Maga pulis ya puede aresta con un persona quien ya pretende mampa miembro del PNP PADPAO y ya saca el pusil del un guardian a Governor Camins mientras ta men duty elo guardia.
Con el suspechao ya conose como si Mark Anthony Polvorosa, 33, de Lantawan, Basilan mientras el victima amo si Ramel Cabrera, 19.
Asegun con Cabrera alas 2 del aga del pecha 20 cuando ta manduty le na un tienda na Governor Camins Avenue cuando ya llega si Polvorosa muntao na habal-habal y ya introduce conele como un miembro le del PNP PADPAO.
Ya cumbida con el victima el suspechao para anda na opesina del PADPAO na Tumaga pero llegar na mencionao barangay, porsaomente si Polvorosa ya saca con el issued 9mm pistol desde con Cabrera.
Y despues ta demanda ya cen el suspechao con el victima encambio del pusil.
Alas 7 del noche del Webes cuando ya conduci entrapment operational maga pulis hunto con el victiam y ya resulta na arestao del suspechao.
Ya puede recobri desde conele el pusil y el marked money valor de P3,000.
