KALIBO, AKLAN — Patay rong tatay matapos nga bun-on ko anang manak sa Brgy. Angas, Batan, Aklan kaina it mga alas 2:00 rong aga-aga.
Nakilaea ro biktima kay Bernardo Olivar, 45-anyos nga nakaangkon it tama sa anang kilid, samtang rong suspek hay nakilaea man kay Roberto de Asis, 19-anyos tanan residente it nasambit nga lugar.
Suno kay SPO1 Jose Patron it Batan PNP nga basi sa andang imbestigasyon naga guwa nga rong biktima hay nag uli halin sa namatyan ag gusto nga magbalik ugaling gin punggan it ana nga asawa dahil nga hilong.
Nakaangkon dayon it mainitang diskusyon ro mag-asawa hasta umabot sa punto nga hasakit it biktima ra asawa.
Ro anang manak nagakatueog sa pihak nga kwarto ag nahabugtaw raya bangud sa kinasangag nanda, ana nga gintan-aw ag nakita nana nga hana eoman nga sipaon it biktima si nanay na rason nga bumuoe ra imaw it siyaw nga double blade ag binuno nga gintunaan ko anang insigidang kamatayon.
Matapos rong krimen hay nagpabilin mat-a gihapon rong suspek sa andang baeay hasta mag abot ro mga pulis ag imaw gindaea sa Batan MPS para sa nagakaigo nga disposisyon.
Narecover man ro siyaw nga gingamit sa krimem nga naga haba it 11 pulgada daea pati ro anang pueo.
