Malungkot na balita ngayong New Year’s day, tatlo miyembro ng isang pamilya ang patay sa sunog kaninang madaling araw sa Caloocan City.
Sumiklad ang sunog kaninang alas-4:20 ng madaling araw sa residential area sa Malonzo Compound sa 4th Avenue, Barangay 49, sa nasabing lungsod.
Patay dahil sa suffocation ang maglive-in partner na kapwa 19-anyos at ang limang buwang gulang nilang sanggol.
Umabot sa unang alarma ang sunog na agad din naapula ng Bureau of Fire Protection.
Nasa 42-residente naman ang naapektuhan ng sunog.
Sa ngayon ay inaalam na ng BFP kung saan nagsimula ang naturang sunog.
Facebook Comments
