Malampusong napasakamot sa mga otoridad ang usa ka technician nga High Value Individual sa pagpayuhot sa illegal nga droga human gilusad ang drug buy-bust operation samtang nakuhaan pa og mga armas ug bala pasado alas 11:40 sa buntag kagahapon didto sa Purok-9, Barangay Casisang, Malaybalay City, Bukidnon.
Nakompiska ang muabot sa 5.1 gramos nga drogang shabu nga gibana-banang mukantidad og P34, 680.00 gikan sa suspek nga giilang si Wilbert Casas, No.3 sa Top 10 PNP-PDEA Provincial target, 36 anyos, dunay kapuyo, ug residente sa naasoy nga lugar.
Samtang narekober usab ang usa ka unit sa black revolver, walo ka bala sa 357 nga pistola, mga nagkadaiyang drug paraphernalia, ug kwartang mubalor sa P2070.00.
Gidala na sa Malaybalay City Police Station ang suspek lakip ang mga nakompiskang ebidensya alang sa tokmang disposasyon.
Kasong paglapas sa RA 9165 kon Comprehensive Dangerous Drugs Act of 2002 ug RA 10591 kon Comprehensive Firearms and Ammunition Regulation Act.
Facebook Comments
