TESDA 12 nagpadala sang mga TekBok experts sa Surigao City.

19
Nagpadala sang mga eksperto nga halin sa mga nagkalain-lain nga training center. kag probinsya sa rehiyon ang Technical Education and Skills Development Authority ukon TESDA 12 para magbulig sa liwat nga pagbangon ukon rehabilitasyon sang mga lugar nga ginsalakay sang bagyo nga Odette sa Surigao City.
Suno kay TESDA 12 Regional Director Rafael Y. Abrogar II nga ini ang sabat sang TESDA 12 sa panawagan ni TESDA Director General Secretary Isidro S. Lapeña nga magabulig ang TESDA sa mga lugar nga malala nga naapektuhan sang bagyo nga Odette.
Ginabug-usan sang 25 ka mga eksperto ang Disaster Response Team sang TESDA 12 nga eksperto sa patag sang Carpentry, Masonry, Electrical, Plumbing, Tile Setting kag Shielded Metal Arc Welding nga magabulig sa rehabilasyon sang pipila ka lugar sa Surigao City
Magluwas sa eksperto nagpadala man sang ila nga bulig pinansyal kag mangin mga pagkaon ang TESDA 12 para sa mga residente sang Surigao.
Samtang may isa ka barangay sa diin ibutang ang Disaster Response Team sang TESDA Dose kag may mga gamit nga gagamiton sa pagkaayo sang mga naguba nga balay sang bagyo.
Facebook Comments