Davao City – Dakong tabang ang time management aron makunhoran ang stress sa usa ka tawo.
Kini ang gipasabot ni Precious Manliguez, Philippine Mental Health Association (PMHA) Executive Manager sa Davao chapter atol sa interview kaniya ni RadyoMaN Misel Miral-Galve sa Serbisyong Straight to the Point.
Sumala pa nga ang time management maoy key element aron makuhaan ang stress sa mga estudyante ba karon o mga trabahante.
Gisaysay niini nga mas dali ang time management alang sa mga estudyante gumikan naa nay schedule daan sa mga subjects ug kinahanglan lang og sakprisyo nga mutuman sa time management ug i-apply aron tanang subjects mahatagan og igong pagtagad aron di mubagsak.
Ingon man sa mga trabahante, dakong tabang nga ma-manage ang oras og tarong aron maapas ang mga trabahuon.
Dugang pa nga og dunay maayong time management, makaangkon usab og saktong tulog diin matud sa mga eksperto, makahatag og bag-ong enerhiya, makatutok sa buluhaton og nakatulog og sakto.
RadyoMaN Renz Barbarona
