Napaslawan ang mga holdaper sa plano sini sa isa ka tindahan sa Purok Twin River East, Barangay Sto Niño, Koronadal City, South Cotabato, alas 6:40 kagab-i, Agosto 18, 2021.
Sa imbestigasyon sang Koronadal CPS, ang isa ka wala nakilal-an nga suspek ang nagpakuno-kuno nga magbakal.
Sang yara na sa sulod sang tindahan gintutukan sang armas luthang sang suspek ang biktima nga si Jenniffer Babar Basbaño, 31 –anyos, helper sang Aguirre store kag residente sang sang nasambit nga lugar, apang nagbato ang biktima kag nakalikaw ini sang naglupok ang armas sang suspek.
May-angot sini, ang duha ka wala nakilal-an nga suspek ang nagpalagyo sa wala nahibaluan nga direksyon.
Sa subong nagapadayon ang imbestigasyon sang Koronadal CPS sa panibag-o nga insidente sang attempted robbery hold-up.
