Sa usa nila ka operasyon, na-neutralisa niini ang usa ka drug suspek nga si Berjorie Bayron, residente sa Punong Lizada, Toril, syudad sa Davao.
Sumala ni Jabagat, gidala pa nila sa pinaka-duol nga tambalanan si Bayron sa dihang nakita nila nga adunay pay sinyales sa kinabuhi apan sa dihang gideklara sa mga doktor nga patay na , gipakuha dayun kini sa purenarya.
Kahinumduman nga gi-kwestyon sa mga kabanay ni Bayron kung nganong wala na nila naabtan ang patay’ng lawas niini sa lugar kung asa nahitabo ang operasyon ug didto na sa pribadong purenarya sa Toril ning siyudad.
Dugang ni PMaj Jabagat, kung adunay mga pagduda ang kabanay, mamahimo silang moreklamo tungod ila man kining katungod ug andam nila kining tubagon pinaagi sa himoong imbestigasyon kung insakto ba ang ilang gihimong proseso.
RadyoMaN Paul Canono
