Davao City – Patay ang usa ka drayber human aksidenteng nadat-ugan sa kargang container mga nahitabo sulod sa San Miguel Corporation sa Crossing Ulas, Brgy. Talomo, Davao City, alas 4:09 sa hapon, October 8, 2025.
Sa report sa Davao City Police Office (DCPO) ang biktima giila nga si Alyas “Arvin”, 45-anyos, ug residente sa Tibungco, Davao City.
Base sa inisyal nga imbestigasyon, ang maong trak anaa na sa San Miguel Sales Office ug pag-abot daplin sa unloading bay area, misulay kini og liko paingon sa wala apan nahulog ang kargamento sa kilid ug nadat-ugan mismo ang driver nga nagmaneho niini.
Dali nga miresponde ang Central 911 sa lugar apan ilang nasuta nga wala nay pulso ug gininhawa ang biktima. Sa karon, ang patay’ng lawas gidala na sa Collado Funeral Homes.
RadyoMaN Kareen Beltran
Facebook Comments
