Sa interview sa DXDC RMN Davao kang PCMS Joseph Pantinople Maa Police Station Traffic Investigator gibutyag niini, subay sa gihimong follow up investigation sa container van driver nga si Felino Decdican, giangkon niini nga nawad-an og brake ang iyang gimanihong truck hinungdan midasmag sa napulo ka mga sakyanan sa maong lugar.
Segun ni Pantinople, abagahon usab ang tanang gasto sa unom ka mga naangol nga padayong gitambalan sa Southern Philippines Medical Center (SPMC) nga sila Jerwin Echenique, 28 anyos, driver iyang asawa Vina Echenique, 29 anyos ug anak 4 anyos si alyas Mae, parehong residente Pangantukan Bukidnon, Christopher Galle, 19 anyos, residente sa Nabunturan, Davao de Oro ug driver nga si Felino Decdican, 58 anyos, taga Purok 4, Mabunao, Panabo City.
Matud sa imbestigador, gi-imbestigahan pa kung pila tanan ang kantidad sa damyos sa 11 ka mga sakyanan nga nalambigit sa maong disgrasya.
RadyoMaN Don Pulayao
