Gimanehuan ang usa ka Freight Liner Century Tructor Head, kolor puti, nagtangag og plakang numero ABU7275 narehistro ngadto sa Abayan Trucking Corporation sa Bunawan, Davao City ni Aurelio Masangay, 43 anyos, minyo, ug residente sa Diego Silang, Baras, Tacurong City.
Sumala sa taho sa kapulisan, nga padulong sa habagatang direksyon ang maong truck nga gadagan sa Sayre Highway, sa dihang pag-abat sa lugar nadisgrasyahan, kalit lang matud pa misulpot sa iyang linya ang wala maidentipikang sakyanan. Gilikayan kini sa maong truck apan sa wa damha, mibangga ang truck ngadto sa konkretong barrier kilid sa dalan hinungdan sa pagkabalintong niini.
Nakaangkon og damage ang maong truck ug gamay nga pangos sa kalawasan ang drayber niini nga anaa ra sa luwas nga kahimtang.
