Sa report gikan sa Eden Police Station kasong kalapasan sa RA 9165 Comprehensive Dangerous Drugs Act of 2002 ang napasaka sa korte batok sa tulo ka dinakpan nga sila Keith Nicole Carmina Egdamin alyas “Dong”, 25-anyos, maintenance sa usa ka iladong telco ug taga Bangkal, Lowegy Rocacorba Combras alyas “Louie”, 35-anyos, pintor ug si Renante Coña Sabuya alyas “Nante”, 37-anyos, financer sa usa ka kompanya sa Big Bike nga taga dakbayan sa Gensan.
Sumala pa report malampusong nadakpan ang tulo ka suspect human napalitan og illegal nga droga sa nagtakoban nga poseur buyer nga police kambyo ang P2,500 nga buy bust money apan wa nakabantay ang mga suspect nga police ang ilang gikatransak hinungdan sa pagkasikop.
Nasakmit sa kapulisan ang 48.5 grams mga gidaghanon sa shabu ug ang color puti nga Ford Ecosport nga maoy gigamit sa mga suspek sa ilang illegal nga transaksyon.
Matud pa dugay dugay na sab kini ginapanid-an sa kapulisan ang tulo ka suspetsado nga nagabaligya og illegal nga droga ngadto sa ilang area of responsibility (AOR) apan niadtong milabay’ng adlaw nadakpan na gyod ang mga suspect.
Ang pagkasikop sa tulo ka dinakpan kini kabahin sa mas gipakusgan nga kampanya kontra illegal nga droga ubos sa pagdumala sa bag-ong Hepe sa Eden Police Station nga si Police Major Jemuel Mamolang.
RadyoMaN Don Pulayao
