Gitunol sa Department of Agriculture (DA)-Region X ang mukabat sa tulo ka milyong kantidad sa ekipo alang sa mga mag-uuma sa Malaybalay.
Kini pinaagi sa usa ka unit sa Re-circulating Mechanical Dryer gikan sa pondo sa Department of Agriculture Bayanihan II Enhanced Kadiwa Ani at Kita Inclusive Food Supply Chain Program alang sa mga lokal nga pangagamhanan ug sa mga kooperatiba.
Mapasalamaton ang mga mag-uuma partikular sa Barangay Simaya, Malaybalay City pinaagi sa Simaya Agrarian Reform Cooperative (SARC) diin dako na sumala pa og ikatabang ilabi na sa ilang mga abot sa uma ug aron nga dali madeliver ngadto sa merkado.
Mihimo og turn-over ceremony ang DA-10 kauban ang lokal sa Malaybalay didto mismo sa compound sa kooperatiba nga nahimutang sa Purok-9, Barangay Simaya, Malaybalay City, Bukidnon.
Facebook Comments
