Tulo ka street level target arestado sa managlahing drug bust operation

Davao City – Dakpan sa managlahing buy-bust operation ang tulo ka street level target human nakuhaan og kapin 100K kantidad sa shabu.

Unang nadakpan sa Buhangin Police Station si Joemar Rubio, 40 anyos, taga-Julliville Subdivision Brgy. Tigatto, syudad sa Davao. Nakuha ang duha pakete sa shabu nga motimbang og unom ka gramo kantidad og P96,000. Lakip nakumpiska ang usa ka cellphone nga maoy gigamit sa iligal nga transaksyon.

Sikop usab sa Tugbok Police Station, ang laing street level target nailang Robert Coming Alba, 59 anyos ug usa ka Top 4 target nailang Lizel Sembra, 52 anyos, parehong nagpuyo sa Block 9, Brgy. 22-C, Davao City. Nakuhaan og 18 ka elongated heat sealed transparent plastic sachet nga mokantidad og kapin P30,000 lakip ang buy-bust money og mga illegal drugs paraphernalia.

Kasong kalapasan sa RA 9165 Comprehensive Dangerous Drugs Act of 2002 ang atubangon sa mga dinakpan.

RadyoMaN Don Pulayao