Nagbigay paalala ang City Health Office ng Dagupan City ukol sa posibleng banta ng mga sakit kaugnay ng pabago-bagong panahon.
Kasabay ng nararanasang mga pag-ulan dulot ng Habagat at pabago-bagong lagay ng panahon, kabilang sa mga binabantayan ng ahensya ang mga water-borne diseases gaya ng diarrhea at lagnat, gayundin ang trangkaso, ubo, sipon, dengue at leptospirosis.
Ayon sa City Health Office, patuloy ang kanilang information dissemination campaign at iba pang hakbang upang maiwasan ang pagkalat ng mga sakit sa komunidad.
Dagdag pa ng ahensya, maaaring maapektuhan ng mga naturang karamdaman ang iba’t ibang age group depende sa uri ng exposure at kondisyon ng kapaligiran.
Samantala, patuloy na pinalalakas ng Habagat ang posibilidad ng pag-ulan sa ilang bahagi ng bansa habang may binabantayang weather disturbance sa labas ng Philippine Area of Responsibility.
Dahil dito, muling pinayuhan ng City Health Office ang publiko na panatilihing malinis ang pagkain at inuming tubig at agad magpatingin sa doktor kung makararanas ng sintomas ng sakit.
Patuloy namang nakaantabay ang City Health Office upang mapangalagaan ang kalusugan ng mga Dagupeño sa gitna ng pabago-bagong panahon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
