Gipangunahan sa mga personahe sa Valencia City Police Station, inubanan sa 2 nd Bukidnon Police Mobile Force Company (PMFC), ug uban pang otoridad ang maong operasyon nga miresulta sa pagkasikop ni Bryan Borres, ulitawo, 25 anyos, ug residente sa Purok-4, Guinoyuran, Valencia City, Bukidnon.
Si Borres ang giserbisyohan sa Warrant of arrest sa kasong Attempted Murder nga nakadokit ilawom sa Criminal Case No. 38759-22V nga gi-issue ni Isobel Barroso, Presiding Judge sa Regional Trial Court, 10th Judicial Region, Branch 8, Malaybalay City, Bukidnon pinitsahan Mayo 24, 2022 nga adunay girekomendang piyansa nga mukabat sa P120,000.00 alang sa temporaryong kagawasan.
Gidetanar na sa BJMP, Valencia City, Bukidnon ang suspetsado alang sa tokmang disposasyon.
