Mukabat sa kapin kun kulang 300,000 pesos ang natalang damyos sa sunog sa may Purok 1, Mangga, Brgy. Tubod, sakop ning syudad sa Iligan.
Sa impormasyong gipadangat ni SFO1 Richard Cartin, OIC sa Investigation and Intelligence Section sa Iligan City Fire Station, 6 ka balay ang totally burned samtang duha ang partially burned gumikan sa maong sunog nga gisaka pa sa 3rd alarm.
Siyam usab ka firetrucks ang nakigkumbati sa pagpalong sa kalayo.
Gituohang short circuit ang hinungdan sa maong sunog.
Naka angkon ug mga paso sa pipila ka parte sa lawas ang inahang si Sara Osop ug anak niini nga si Michael.
Walay natalang patay atol sa maong sunog.
Facebook Comments
