Nangin top notcher sa Licensure Examination for Teachers ukon LET Elementary level ang Education graduate sang West Visayas State University-Lapaz nga si Mary Clarence Gepes Madero nga may 88.80% nga rating.
Si Madero ang nagpanguna sa masobra 21 mil ka mga nakapasar sa nasambit nga pasinawan nga ginhatag sang Professional Regulation Commission ukon PRC sadtong Setyembre 24, 2017 sa sa bug-os nga Pilipinas, Thailand kag Hongkong.
Nahibaluan nga kabug-usan nga 80,509 ang mga nagkuha sang LET- Elementary Level kon sa diin 21,198 ang nakapasar ukon 26.33% lamang.
Magluwas kay Madero nga topnotcher, nagpatas man sa top 7 sanday Julie Ann Villarias Gentilezo sang WVSU- Himamaylan Campus kag Ma. Victoria Lionne Fulgencio Hierro sang WVSU-Lapaz nga pareho nakakuha sang 87% nga rating.
Sa kabug-usan, nagpang-apat ang WVSU sa top Schools kon sa diin sa 292 ka mga examinees, 258 ang mga nakapasar ukon may 88.36% nga passing rate.
Samtang sa Secondary Level, may kabug-usan nga 107,020 ang nagkuha sang LET apang 49,626 lamang ang nakapasar ukon 46.37% gid lamang.
