Ya machaca el cabesa del un motorista despues este ya guinda abaho del rueda del un sixteen-wheeler truck na San Roque enantes aga.
El victim amo si Michael Quinto y Cabayacruz, 46 anio y de San Roque.
Asegun ta lleva si Quinto consu subrina hospital si Judilyn muntao na motor ta maneha si Joan Tapan.
Pero cuando ya llega sila ondel cementerio de San Roque ya precura sila man overtake con el un sixteen wheeler truck ta manega si Richard Galvez.
Mientras tan overtake sila, ya tupa el derecha ombro di Quinto na rueda del truck y ya cay este abaho del rueda y ya pasa insimana su cabesa.
Muerto dayun si Quinto mientras su subrina y si Tapan salvao.
Facebook Comments
