𝗣𝟮𝟰𝟬𝗞 𝗛𝗔𝗟𝗔𝗚𝗔𝗡𝗚 𝗠𝗔𝗥𝗜𝗝𝗨𝗔𝗡𝗔, 𝗡𝗔𝗦𝗔𝗠𝗦𝗔𝗠 𝗦𝗔 𝗕𝗨𝗬-𝗕𝗨𝗦𝗧 𝗦𝗔 𝗖𝗔𝗨𝗔𝗬𝗔𝗡 𝗖𝗜𝗧𝗬

Cauayan City – Nasamsam ng mga awtoridad ang tinatayang P240,000 halaga ng pinaghihinalaang marijuana at naaresto ang isang High Value Individual (HVI) sa isinagawang buy-bust operation sa Brgy. Nagrumbuan, Cauayan City, Isabela nitong ika-22 ng Hunyo

‎Kinilala ang suspek na si alyas “Sid,” 30-anyos, walang trabaho at residente ng Cabatuan, Isabela.

‎Ayon sa ulat ng pulisya, nakumpiska mula sa kanya ang kabuuang dalawang kilo ng hinihinalang marijuana, kabilang ang isang kilo na ibinenta sa poseur-buyer at isa pang kilo na nasa kanyang pag-iingat.

‎Bukod sa ilegal na droga, narekober din ng mga operatiba ang buy-bust money, mga cellphone, improvised tooter, lighter, mga bag, driver’s license, at isang Yamaha Mio motorcycle na walang plaka.

‎Mahaharap din ang suspek sa kasong paglabag sa Sections 5, 11, at 12 ng Republic Act 9165 o Comprehensive Dangerous Drugs Act of 2002.