Yours Truly iFM August 19 Wednesday

24

*Yours Truly iFM*
*August 19, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol!

Tawga niyo lang ako kay Christian, 27 years old kag single.

Tiyo ko nga utod sang akon amay ang nagpa-eskuwela sa akon mga idol. Isa siya sa ka OFW sa Saudi. Sa kaluoy sang Diyos nakatapos ako kag isa na ako ka pulis subong.

Nagpadala ako sang sulat sa inyo mga idol kay kinahanglan ko ang inyo advice parte sa akon problema.




Daku gid ang pagpasalamat ko sa akon tiyo kay wala niya gid ako ginpabay-an kag ginhimo niya gid ang tanan para makatapos ako sang pag-eskuwela. Ang indi ko lang mauyunan mga idol kay ginahilabtan nila ang tanan nga mga desisyon ko. Ultimo babaye nga nobyahon kag pangasaw-on ko sila ang naga-set sang standard.

Ang nalainan ko pa gid sang buot mga idol kay ginapamukha gid nila sa akon nga may utang na loob ako sa ila kag indi magmaayo ang pangabuhi ko kung indi tungod sa ila.

Kung kaisa daw gusto ko na gid sila sabton tungod sa kaugot ko sa ila.

Ano ang maayo ko nga himuon mga idol.

Kinahanglan ko gid ang inyo advice.

Yours Truly,

Christian

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments