Alabel, Sarangani Province–Hustisya ang singgit sa pamilya sa biktimang si Marvin Lestones, legal age, residente sa Prk 1, Brgy. Kawas, Alabel Sarangani Province nga una ng gipusil sa wala pa mailhing suspek alas 8:00 pasado ang takna sa buntag, August 26.
Matud pa ni Marimar Bayaw sa biktima nga mangaligo unta sila niadtong panahuna dihang kalit miabot ang duha ka mga suspek nga nakamotorsiklo. Gipusil ang biktima igo sa iyang ulo. Paspas usab nga misibat ang mga suspek human sa insidente.
Dugang pagbutyag ni Marimar nga wala gyud sila masayod kung unsay motibo sa krimen.
Apan giangkon niini nga hapit na unta mahuman sa rehab ang iyang bayaw gumikan sa iligal nga droga, ug gani nabag-o na ang kinabuhi niini.
Wala usab siya magdahum nga kini pusilon. Nasayran nga anaa sulod sa sakyanan si Marimar uban sa iyang anak dihang gipusil ang biktima nga maoy magmaniho unta sa ilang sakyanan.
