Yours Truly iFM October 01 Thursday

9

*Yours Truly iFM*
*October 1, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Maayong hapon mga idol!

Pirmi gid ako nagapamati sa inyo programa kada hapon samtang ara ako sa duty.

Isa gali ako ka security guard mga idol. Tagu-a niyo lang ako sa pangalan nga Lonely Boy sang Banate, 27 years old kag soltero.

May textmate ako kag ginsabat niya ako sa text bisan wala pa kami nagkitaay sang personal. Bisan sa text malipayon man ang amon relasyon sa sulod sang anom ka bulan. Nagbag-o lang ang tanan sang nagkitaay na kami.

Lain abi ang ginasugid niya sa akon sa text mga idol. Ang pakilala niya sa akon nga dalaga siya kag nagaubra sa isa ka opisina bilang isa ka supervisor. Pero sa pagkamatuod, separated gali siya kag sa sulod sang balay gaubra.




Disappointed gid ako mga idol kay ginsugid ko sa iya ang tanan parte sa pagkatawo ko. Kag naglaum man ako nga nangin honest man siya sa akon.

Sa tuod lang, nadulaan na ako sang gana sa iya.

Tama pa bala nga ipadayun ang amon relasyon mga idol?

Kinahanglan ko gid ang inyo advice.

Yours Truly,

Lonely Boy

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments