Yours Truly iFM
October 24, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Marissa, single kag naga-trabaho bilang isa ka call center agent.
Kinamanghuran ako sa amon nga lima nga mag-ulutod. Ako ang nagaatipan kay mama kay ang akon mga utod may mga pamilya na kag ang iban yara sa US naga-trabaho kag naga-istar.
May nobyo ako kag naga-plano na kami magpakasal middle of next year.
Ang problema ko mga bestfriends kay gusto niya nga kung mag-asawa na kami, si mama ihatag ko sa iban ko nga mga utod para sila naman ang mag-atipan. Gusto niya nga duha lang kami ang mag-upod kag indi siya gusto nga may intindihon pa kami nga iban nga tawo bisan sa sin-o pa nga mga miyembro sang tagsa-tagsa namon ka mga pamilya.
Palangga ko ang akon boyfriend pero indi ko man mabatas nga pabay-an si mama. Galibog ang ulo ko mga bestfriends.
Ano ang maayo ko nga himuon?
Yours Truly,
Marissa
