Yours Truly iFM September 01 Tuesday

*Yours Truly iFM*
*September 01, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Maayong hapon mga idol!


Ako gali si Lenny, 30 years old, married, may duha ka mga kabataan kag nagapuyo diri sa Brgy. Sinikway, Lapuz, Iloilo City.

Nahuya tani ako mga idol pero wala na gid ako sang masugidan sang akon problema.

Ang problema ko parte sa akon ugangan kag mga kabayawan. Ginakontra nila ako kag ginahilabtan nila ang amon pangabuhi sang akon bana. Indi man abi malikawan mga idol kay nagalumon kami sa ila.

Kapila ko na ginhambalan ang akon bana nga mangita kami sang amon ilistaran pero indi magsugot ang iya mga ginikanan kag mga utod. Ang isa pa gid ka rason nga indi kuno namon kaya mangabuhi nga kami lang kay tungod indi makaya sang akon bana tungod gamay man lang ang iya income bilang isa ka security guard.

Galain gid ang buot ko mga idol kay sang nagapangaluyag pa lang ang akon bana sa akon kag sang naganobyanay pa lang kami, nag-promise siya sa akon nga himuon niya ang tanan para mahatag ang amon mga kinahanglanon sang amon mga kabataan.

Indi na ako komportable sang amon sitwasyon mga idol. Kung kaisa nagaisip ako nga bulagan na lang ang akon bana kag mapuli na lang sa amon sa negros upod sang amon mga kabataan.

Galibog ang ulo ko mga idol.

Kinahanglan ko gid ang inyo advice.

Yours Truly,

Lenny

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments