Yours Truly iFM September 21 Monday

13

*Yours Truly iFM*
*September 21, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Good afternoon mga idol!

Mga idol, nagdesisyon ako nga magpadala sang sulat sa inyo kay nagalibog ang ulo ko sang akon problema.

Bag-o ako magpadayun nga mga idol, gusto ko anay magpakilala sa inyo. Tagu-a niyo lang ako sa pangalan nga Mitch, 28 years old, single kag taga-Jaro, Iloilo City.

Mga idol, sa edad ko kinahanglan ko pa bala nga sundon ang akon mga ginikanan nga magpili kung sin-o ang lalaki nga pamanahon ko?

May nagapangaluyag sa akon mga one year na kag akuon ko naluyag man ako sa iya. Pero indi pabor ang akon mga parents sa iya. Ang ila rason nga gusto nila makakita ako sang tawo nga maayo ang estado sa pangabuhi.




May ara sila gusto nga tawo para sa akon. May kaya siya kag negosy pero halos madoble na ang iya edad kumpara sa akon. Indi ako komportable sa iya kag wala ako naluyag sa iya mga idol.

Indi ako gusto nga maglainay kami buot sang akon mga ginikanan.

Ano ang maayo ko nga himuon mga idol?

Please, I need your advice.

Yours Truly,

Mitch

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments