Youth leader: Edukasyon usa sa angay tutokan sa sunod nga Presidente

38
Davao City – Usa lang ang edukasyon sa mga angay tutokan sa musunod nga Presidente sa Pilipinas matud sa usa ka Dabawenyo nga youth leader.

Sa interbyu sa DXDC RMN Davao kang Jess Elton Largado, Presidente sa Youth for Peace and Development Movement Philippines (YFPDMP) – Davao de Oro, gibutyag niini nga pipila sa mga angay hatagan og atensyon sa musunod nga lider mao ang lakang sa pagrekober gikan sa pademya, pagtagad sa problema sa agricultural sector, pagpakusog sa science and technology to reduce poverty, long term environmental solution ug lakang batok insurhensiya.

Matud ni Largado nga kinahanglan usab nga matutokan ang uban pang problema sa kabatan-onan gawas sa pagpakusog sa edukasyon.

“(Angay nga) pakusgon ang edukasyon, programa sa paglikay sa kabatan-onan sa droga, youth recruitment insurgency, teenage pregnancy, and employment opportunities for out of school youth,” sulti ni Largado.

Giawhag sa youth leader ang kabatan-onan nga aktibong mupartisipar sa May 9, 2022 National ug Local Elections pinaagi sa pagpili ug pagboto sa lider nga makahatag og positibong kabag-ohan sa nasud.

“Akoa lang panawagan.. hapit na man gyud ang atong election karong May 9. Akoa lang nga moboto ‘ta. Mugawas ‘ta sa atong panimalay, moboto ‘ta. Participate because importante kaayo nga i-exercise ang atong katungod bilang citizens,” mensahe ni Largado.



RadyoMaN Kirby Manzon

Facebook Comments