𝗜𝗦𝗥𝗔𝗘𝗟, 𝗡𝗔𝗚𝗟𝗨𝗡𝗦𝗔𝗗 𝗡𝗚 𝗔𝗜𝗥𝗦𝗧𝗥𝗜𝗞𝗘 𝗦𝗔 𝗠𝗚𝗔 𝗙𝗨𝗘𝗟 𝗦𝗧𝗢𝗥𝗔𝗚𝗘 𝗙𝗔𝗖𝗜𝗟𝗜𝗧𝗜𝗘𝗦 𝗦𝗔 𝗧𝗘𝗛𝗥𝗔𝗡

‎Cauayan City – Naglunsad ng airstrike ang militar ng Israel laban sa ilang fuel storage facilities sa Tehran na umano’y ginagamit ng Iran upang suportahan ang mga operasyong militar nito.
‎
‎Ayon sa Israeli Air Force, ang naturang “significant strike” ay bahagi ng patuloy na hakbang ng Israel upang lalong pahinain ang imprastraktura ng militar ng Iran. Iginiit ng Israel Defense Forces na magpapatuloy ang kanilang matinding operasyon upang alisin ang mga banta sa seguridad ng kanilang bansa.
‎
‎Samantala, nagbabala si Pangulong Donald Trump ng Estados Unidos na maaari pang magkaroon ng panibagong pag-atake laban sa Iran sa gitna ng nagpapatuloy na digmaan na nagsimula isang linggo na ang nakalipas.
‎
‎Sinabi naman ni Iranian President Masoud Pezeshkian na handang ihinto ng Iran ang mga pag-atake laban sa mga karatig-bansa, maliban na lamang kung ang mga pag-atake laban sa kanilang teritoryo ay magmumula sa mga ito.
‎