βSAN GUILLERMO, ISABELA – Magpapatupad ng curfew para sa mga menor de edad ang lokal na pamahalaan ng San Guillermo, Isabela, alinsunod sa Municipal Ordinance No. 2026-08.
β
βSa ilalim ng ordinansa, ipinagbabawal sa mga menor de edad ang pananatili, pagtambay at paggala sa mga pampublikong kalsada at lugar mula alas-10:00 ng gabi hanggang alas-4:00 ng madaling-araw.
β
βPara sa unang paglabag, bibigyan ng paalala o admonition ang lalabag.
β
βSamantala, sa ikalawa at mga susunod pang paglabag, sasailalim ang mga ito sa mga non-punitive sanction o mga programang interbensyon alinsunod sa Republic Act No. 9344 o Juvenile Justice and Welfare Act, na inamyendahan ng RA No. 10630.
β
βLayunin ng hakbang na ito na mapangalagaan ang kaligtasan at kapakanan ng mga kabataan sa bayan ng San Guillermo.
