𝗣𝗔𝗡𝗚𝗔𝗦𝗜𝗡𝗔𝗡 𝗣𝗢𝗟𝗬𝗧𝗘𝗖𝗛𝗡𝗜𝗖 𝗖𝗢𝗟𝗟𝗘𝗚𝗘-𝗖𝗘𝗡𝗧𝗘𝗥 𝗙𝗢𝗥 𝗟𝗜𝗙𝗘𝗟𝗢𝗡𝗚 𝗟𝗘𝗔𝗥𝗡𝗜𝗡𝗚, 𝗣𝗜𝗡𝗔𝗣𝗟𝗔𝗡𝗢 𝗡𝗔𝗡𝗚 𝗨𝗠𝗣𝗜𝗦𝗔𝗛𝗔𝗡

Naghahanda na ngayon ang pamahalaang panlalawigan ng Pangasinan ukol sa pagpapatayo ng Pangasinan Polytechnic College sa lalawigan.

Sa naganap na Sangguniang Panlalawigan (SP) session nitong lunes, ipinanukala ni Vice Governor Mark Ronald Lambino ang resolusyon ukol sa proyekto, na may pamagat na “Allowing the Pangasinan Polytechnic College-Center for lifelong Learning (PPC-CeLL) to use the Identified Training Sites Owned by the Provincial Government of Pangasinan.”

Sa ngayon, tinutukoy pa ng pamahalaang panlalawigan ang mga pasilidad na pagdadausan ng mga pagsasanay. Ilan sa mga tinitignang lugar ay ang mga gusaling matatagpuan sa Lingayen, Alaminos, at maging sa bayan ng Laoac, na pawang pagmamay-ari ng pamahalaan.

Ang naturang institusyon na i-oorganisa ay mag-aalok ng mga TESDA courses na pangungunahan ng Center for Lifelong Learning (CELL) sa lalawigan. |𝙞𝙛𝙢𝙣𝙚𝙬𝙨