Kasalukuyang nagsasagawa ng malalimang imbestigasyon ang hanay ng PNP Pangasinan sa pangunguna ni PCol Jeff Fanged, Provincial Director ng PNP Pangasinan, kaugnay sa sinasabing pagdampot sa dalawang Kabataan leader sa San Carlos City.
Usap-usapan kasi sa social media ang sinasabing sapilitang pagdampot at pagsakay sa SUV ng mga hindi pa matukoy na mga kalalakihan sa mga Kabataan leader na sina Eco Dangla at Jak Tiong sa bahagi ng San Carlos City noong linggo ng Gabi.
Sa ngayon ay nag-iimbestiga pa ang mga kapulisan sa nasabing lungsod maging ng provincial command upang malaman kung sino nga ba ang nasa likod ng sinasabing pagdakip sa dalawa.
Sa ngayon tuloy-tuloy ang pakikipag-ugnayan ng PNP pangasinan sa ibang ahensiya ng pamahalaan para sa agarang pagkakakilanlan ng mga sinasabing responsable na kumuha sa dalawa at sa agarang paglutas ng kaso, habang tinitignan lahat ng mga posibleng anggulo upang malaman at matukoy ang dahilan ng pagkuha sa mga ito.
Umaasa naman ang mga kaanak at kaibigan ng mga ito na sila ay makikita sa lalong madaling panahon. |𝙞𝙛𝙢𝙣𝙚𝙬𝙨