Kalibo, Aklan — 1 rong patay ag 1 rong ninahan matapos nga maaksidente sa ginasakyang motorsiklo kaina it aga-aga sa Brgy. Andagao, Kalibo, Aklan.
Nakilaea rong namatay nga si Kristopher Son Montinola, 20-anyos ag residente it nasambit nga lugar samtang rong ninahan hay nakilaea kay Nilo Morino, 36-an yos ag residente it Toting Reyes St., sa nasambit nga barangay.
Sa blotter report it Kalibo nga nakabaton sanda it tawag halin sa sangka concerned citizen sa lugar nga may una nga natabong aksidente ag insigida man nga ginrespondehan.
Sa inisyal nanda nga imbestigasyon naga guwa nga rayang si Krstopher Montinola ag ro anang kaibahan sa trabaho nga si Dior Jay Pee Revecencio, 20-anyos ag residente it Sitio Baybay Andagao hay nagamaneho it anda nga tagsa-tagsa ka mga motorsiklo paadto sa Lambingan Beach, pag-abot sa lugar it aksidente, una nga nag overtake si Revecencio sa motorsiklo nga gina maneho ni Morino ag sumunod man si Montinola pero pag eampas ni Montinola kay Morino eomapaw ro anang motorsiklo sa kilid it karsada ag bumangga sa puno it Mahogany ag inapok pa ro motor sa tunga it karsada ag sinunggaban man it motorsiklo nga ginamaneho ni Morin o rason nga imaw ra natumba.
Insigida sanda gin respondehan it mga taga MDRRMO Kalibo ag dalidali nga gindaea sa Mission Hospital si Montinola pero gin deklara nga dead on arrival samtang si Morino hay gindaea sa Aklan Provincial Hospital.
Under follow-up investigation pa it Kalibo PNP ro nasambit nga aksidente.
