1-patay , 4 sikop sa Drug operation sa PNP Gensan

 

General Santos—usa patay samtang upat sikop apil  ang 2 ka minor de edad sa gihimong Buybust Operation sa may EMB Homes, Barangay Labangal, Gensan.

 

Ang suspek nga nakabsan mao si Hipolito Qualing Jr. Alias Tata , temporaryong nag puyo sa  EMB Homes, barangay Labangal lumd nga nagpuyo sa Koronadal City.

 

Giila usab ang mga nadakpan nga silang si alias Rodrigo, 17; alias Lito,12; alias Mirasol; 19 ug Alvin Cañete, 34, residenti sa samang lugar kansa target sa Buybust Operation.

 

Alas 11:00 ang takna sa buntag kagahapong adlawa, dihang usa ka pulis nga sakop sa San Isidro Police Station ang nakigtransaksyon ngadto sa suspek nga si Cañete atubangan sa Jolibee, National Highway, barangay City Heights.

 

Apan pila ka minuto ang nakalabay,  inay sa national Higway, didto nakigtransaksyon  may EMB Homes, Barangay Labangal ang suspetsado. Tungod niini nakig-coordinate ang  San Isidro PNP ngadto sa Makar Police Station gumikan sakop sa ilang area of responsibility ang lugar nga gibutyag sa suspek.

 

Pag abot sa area, giduol dayon sa Pulis nga  nagpakarong-ingnon ang suspek aron mupalit ug druga, apan dihang nadawat na sa suspek ang Buybust money nakabantay kini nga pulis ang iyang nakatransaksyon  hinungdan nga midagan kini sulod sa ilang compound.

 

Gigukod kini sa mga pulis apan sila gisugat sa suspek nga si alias Tata bitbit ang 38 revolver. Giunhan na sa kapulisan ang suspek  kansa  nakaangkon ug samad pinusilan sa nagkandaiyang parti sa kalawasan nga hinungdan sa iyang kamatayon.

 

Narekober sa posisyon sa namatay ang 38 revolver, samtang nakuha usab ang (1) ka sachet sa gituohang shabu ug P500.00 nga marked money gikan sa posisyon ni Cañete.

 

Gibutyag ni Police Chief Inspector Jing Salarda, Hepe sa Makar PNP nga ang target sa operasyon nga si Cañete ang  anaa sa ilang listahan sa mga lambigit sa iligal nga druga. Samtang ang namatay nga si Alias Tata ang kanhi nang napriso sa Gensan City Reformatory Center gumikan sa kasong Robbery.

 

Sa karon balhog na sa silda sa Makar PNP si Cañete samtang giturn-over usab ang 2 ka mga minor de edad ngadto sa CSWDO. Giturn-over na usab sa Regional Crime laboratory 12 ang ebidensyang nakuha sa operasyon.

 

Kasong paglapas sa RA 9165 (Comprehensive Dangerous Drug Act of 2002) ang ipasang-at batok sa suspetsado.



 

Facebook Comments