100k nga multa para sa mga customer nga mu-cancel og order

Aron matagaan og proteksyon ang delivery riders, gipasiugda ni Sen. Lito Lapid nga masilotan ang mga customer nga sige og cancel sa ilang orders.

Sa Senate bill 1677 ni Lapid, mapriso sa usa ka bulan ug usa ka adlaw hangtod sa unom ka bulan ug multahan hangtod sa P100,000 ang mga customer nga mu-cancel sa tulo ka higayon sulod sa usa ka bulan nga walay makatarunganong rason sa pagkansela sa iyang delivery nga pagkaon o grocery nga nabayaran na sa delivery rider o driver.

Ubos sa maong sugyot, obligahon ang mga service providers nga i-reimburse sa ilang mga riders o drivers nga nag-abono ug gikanselahan og orders.


Kung wala gi-reimburse, multahan ang mga service providers nga dili muubos sa P500,000 ug doble ang bayaran nga re-imbursement sa rider or driver.

Facebook Comments