Nakumpiskar ang yara sa 170 ka packs ukon 56 ka kilo sang pork chorizo kag tocino halin sa Davao Region nga ASF-infected area sa ginpatigayon nga duha ka adlaw nga joint inspection sa Koronadal City sang Meat Inspection Section sang City Veterinary Office, Provincial Veterinary Office sang South Cotabato, NMIS 12 kag PNP-Koronadal.
May-angot sini, ang nasambit nga mga pork products banned items ang ginbutangan sang disinfectant, ginsunog kag ginlubong.
Yara naman ang presensya sang Meat Control Officers kag Meat Inspectors sang LGU Koronadal kag NMIS sang ginlubong ang nasambit nga mga pork products.
Nahibaluan nga hugot nga ginadumilian ang pagpasulod sa probinsya sang South Cotabato sang mga buhi nga baboy, karne, chorizo, tocino kag iban pa nga processed pork products nga halin sa mga lugar nga apektado sang ASF, base naman sa ASF Prov. Ordinance.
