Ang biktima gikatahong residente sa Dumpsite, Barangay Can-ayan, ning siyudad.
Sumala sa report, gamanehu sa usa ka single motor ang biktima kauban ang duha ka angkas niini kinsa padulong matud pa sa Barangay Dalwangan, ning siyudad sa dihang gisuwayan matud pa sila og pahunong sa mga suspek nga sakay sa laing single motor apan wala kini mituman hinungdan nga sa walay pagduha-duha gipusil sa usa sa mga suspek ang biktima.
Nakahiagom og samad-pinusilan sa likod nga bahin ang biktima kinsa gisuwayan pa og dala sa balay-tambalanan sa mga concerned citizens apan patay nang gideklara sa doktor.
Luwas ra usab ang kahimtang sa duha ka angkas niini samtang misibat sa wala masutang direksyon ang mga suspetsado.
Padayon karon ang ginahimong makuting imbestigasyon sa kapulisan ilabi na paglakag sa mga nakatakas nga suspek.
