DSWD, giklaro nga peke ang mga nanggawas nga impormasyon sa social media kabahin sa mga Unemployment Financial Aids ug uban pa

Giklaro karon sa Department of Social Welfare and Development (DSWD) nga peke ang mga nanggawas nga impormasyon sa social media sama sa Facebook, tiktok, shareit ug uban pa kabahin sa mga unemployment financial aids.

Sa interview sa RMN Malaybalay ug 95.3 iFM Bukidnon ngadto kang Oliver Inodeo, Spokesperson sa DSWD-10, gibutyag niya nga usa ka pamaagi sa pagpangilad ang maong mga impormasyon.

Wala matud pa silay ginatanyag nga mga unemployment financial aids.

Sa maong pamaagi, mangayo og impormasyon ang maong mga site diin maoy posibleng mahimong rason sa pagka-hacked sa personal account.

Magmabinantayon matud pa ang katawhan tungod kay ubay-ubay na ang mga nabiktima sa Phishing pinaagi sa mga website diin maghatag ka og personal information.

Lakip na usab mga ATM accounts, credit cards ug uban pa ang posibleng target sa maong mga mangingilad.

Dili matud pa magpataka og clink sa mga link aron malikayan ang maong insidente.

Man gani, gikataho ni Inodeo nga duha ka mga FB Pages na sa DSWD partikular sa Region-V ug Region IX ang nabiktima diin hangtud karon wala pa narecover.