181 KA MGA CANDIDATE SOLDIERS, MADINALAG-ON NGA NAGTAPOS SA 3ID!

Jamindan, Capiz – 181 tanan ka mga Candidate Soldiers(CS) nga kabahin sang CSC MAILAP Class 689 ang nagtapos paagi sa ginhimo nga graduation ceremony sa Camp General Macario B. Peralta Jr. sa Jamindan, Capiz, subong nga adlaw sang Huwebes, Hulyo 14, 2022.
Ginbaton sang mga ini ang R4 Carbine-issued rifles paagi sa ginpatigayon nga entrustment rites sa pagpanguna ni Tapaz Mayor Roberto Palomar kaupod si 3ID Commander Major General Benedict M. Arevalo.
Madinalag-on nga nalampuwasan sang mga ini ang kapin sa pito(7) ka bulan nga Basic Military Training sa 3rd Division Training School.
Diri, gintudloan sila parte sa fundamentals bilang isa ka suldado lakip na ang ‘core values of honor, duty, and patriotism’ bilang katapo sang militar.
Samtang, si Private Maxim Leo F. Cabigunda, nga graduate sang Bachelor of Science in Elementary Education sang Barangay Cabladan, Sibalom, Antique amo ang ginkilala nga Commander, 3ID Award matapos nga nagpangibabaw sa kabug-osan nga 181 ka Candidate Soldier sang Class 689-2021. Siya ang may yara sang General Point Average nga 98.68 percent sa tanan nga evaluated subjects.
Subong man ang utod sini nga si Private Dennis F. Cabigunda, graduate sang Bachelor of Science in Criminology sang Barangay Cabladan, Sibalom, Antique amo ang nagbaton sang Chief of Staff, 3ID award bilang top 2 nga may General Point Average nga 87.40 percent sa tanan nga evaluated subjects.
Si Private Jecson C. Moreno, graduate sang Bachelor of Science in Criminology halin sa Barangay Camangcamang, Isabela, Negros, Occidental ang nagbaton sang Commandant, 3ID award bilang top 3 sa diin may General Point Average nga 87.24 percent gikan sa tanan nga evaluated subjects.
Si Private Heart Laurente halin sa Barangay Tugas, Mambusao, Capiz, amo naman ang ginpasidunggan sang Commander’s Physical Proficiency Award bangud sa General Point Average nga 96.33 percent.
Sa iya mensahe, ginpahanumdon ni MGen Arevalo ang mga graduates nga indi pagkalimtan ang mantra sang 3ID nga: “Love by the people and feared by the enemy”.
Dugang sini, indi nila pagkalimtan nga ang ila responsibilidad amo ang pagserbe sa pungsod.
via | 3ID Spearhead Troopers
Facebook Comments