Sumala ni Municipal Health Officer Dr. Louelyn H. Exala, 160% nga mas taas ang natalang kaso sa dengue sa tuig 2025 sa bulan sa Enero hangtod Pebrero diin anaa na sa 65, samtang sa tuig 2024 sa susamang mga adlaw anaa lang sa 25 ka mga kaso.
Sa 65 ka mga kaso, 25 niini naggikan sa Maniki, 7 sa Suaon, 5 sa Capungagan, tag 3 sa Gupitan ug Mabantao, tag-duha sa Gabuyan ug Semong, samtang tag-usa usab sa Florida, Katipunan, Luna, Mamacao, Pag-Asa, Sampao ug Tiburcia.
Subay niini, gipahinumdom ni Exala nga tumanon ang 5S, aron malikayan nga motaas pa ang kaso sa dengue sa maong lungsod, sama sa una, search and destroy, ikaduha self protect, ikatulo seek consultation, ika-upat support fogging in outbreak areas ug ika-lima sustain hydration.
Samtang, nanawagan usab ang buhatan nga mo-koopera sa programang ‘alas kwatro kontra mosquito taob, taktak, tuyo, takip’ tungod pinaagi sa pagtinabangay, malikayan ang pagkuyanap sa dengue aron makab-ot ang zero case nga adunay mamatay niini sa matag barangay.
RadyoMaN Kareen Beltran
