216 trainees gradwado na sa Infantry Orientation Course

43
Labangan, Zamboanga del Sur – Nitapos sa walo ka simana nga Infantry Orientation Course (INFOC) Class 05-2022 ang laing grupo sa trainees sa 1st Division Training School sa nilabay nga adlaw.
Kalakip sa maong aktibidad mao ang Ceremonial Entrustment of Firearms ngadto sa 216 ka mga gradwado, nga gi-officiate sa Mayor sa Labangan nga si Hon. Eduardo Relacion.
Tulo ka Privates ang nidawat sa Certificates of Merit alang sa outstanding academic performance sila si Pvt. Irene B. Borja isip top student; Pvt Ruby Ann Mangorale No. 2; ug ang Top 3 si Pvt. Mary Grace Inso.
Samtang si Pvt. Jefford P. Montejo nidawat sa Physical Proficiency Award sa pagkughit sa pinakataas nga score sa physical fitness test, ug Leadership Award usab ang gihatag ni Pvt Albert Roy Tiondo.
Si Brig. Gen. Randolf Sino Cruz, ang Assistant Division Commander, nagpahinumdom sa mga nitapos nga ang armas dili angay gamiton sa dautan.
Matod pa ni Brig. Gen. Cruz lahi ang propesyon sa sundalo kay mao ang pagsiguro sa siguridad sa katawhan ug pagkasoberano sa nasod.
Nitambong sa naasoy nga aktibidad ang mga pamilya ug mga higala sa mga gradwado.






Facebook Comments