Nadakpan sa gipahigayong drug buy-bust operation sa mga kapulisan ang gituohang miyembro sa Bangsamoro Islamic Armed Forces pasado ala 1:05 sa hapon kagahapon didto sa Purok 4, Barangay Malinao, Kalilangan, Bukidnon.
Giila ang suspek nga nadakpan nga si Ebrahim Mandoc, 31 anyos, minyo, ug residente sa Sitio Ingud, Barangay Pamotolon, Kalilangan, Bukidnon.
Mitimbang og halos singko (5) gramos ang mga nakompiska nga drogang shabu nga mukantidad og P34,000.00 samtang narekober ang uban pang mga drug paraphernalias lakip na ang usa ka P1000 bill nga buy-bust money.
Gidala na sa Kalilangan Municipal Police Station ang suspetsado lakip ang mga nakompiskang ebidensya nga gi-turnover sa Bukidnon Provincial Forensic Unit 10, Malaybalay City alang sa eksiminasyon.
Samtang mag-atubang sa paglapas sa Section 5, Article II sa RA 9165 kon Comprehensive Dangerous Drugs Act of 2002 ang dinakpang suspetsado.
Facebook Comments
