29 higher education institutions sa Davao region, pwede na maka- f2f classes

137
Davao City – Dol-an 30 ka mga public ug private Higher Education Institutions (HEIs) sa Davao Region ang mamahimo nang makabalik alang sa face-to-face (F2F) classes matud sa Commission on Higher Education (CHED).

Sa interbyu sa DXDC RMN Davao kang Christopher Pulido, CHED-Davao Supervising Education Program Specialist, anaa sa 29 ka eskwelahan ang gihatagan og pagtugot sa CHED human nakapasar sa guidelines alang sa F2F classes.

“There are 29 who are expected to conduct limited face-to-face classes here in Davao Region. So, when I say expected, sila ‘tong nahatagan na og acknowledgement sa CHED to conduct the limited face-to-face classes,” sulti ni Pulido.

Dugang ni Pulido, ang Davao Region adunay 105 ka HEIs diin 50 niini ang mipakita og intensyon alang sa F2F classes apan 29 pa lamang ang aprubado. Sa 50, 32 niini gikan sa Davao, 5 sa Davao del Sur, 3 sa Davao de Oro, 9 sa Davao del Norte ug 1 sa Davao Occidental.

RadyoMaN Kirby Manzon

Facebook Comments