3 patay sa diarrhea outbreak sa Laak, Davao de Oro

Davao City – Ginaimbestigahan na karon kung unsa ang hinungdan sa diarrhea outbreak sa Barangay Naga, Laak, Davao de Oro diin tulo (3) ang kumpirmadong patay, samtang 22 ang gidala sa ospital.

Sa report sa Local Government Unit (LGU) – Laak, anaa sa 150 ka panimalay gikan sa Purok, 1, 3, 4, ug 5 ang apektado sa diarrhea.

Gilayon usab nga giayudahan sa LGU – Laak ug Provincial LGU ang apektadong mga residente labi na ang limpyo nga tubig mainom ug pagkaon.

Gi-assess usab sa Municipal Health Office ang mga biktima pinaagi sa paghatag og libreng medical check-up ug mga medisina. Samtang ang Provincial Health Office (PHO), naghatag og mga water container ug chlorine nga magamit sa pag-decontaminate sa tubig.

Samtang, nipasalig ang Philippine Red Cross nga mutabang sa apektadong residente sulod sa duha ka semana samtang dili pa magamit ang water source sa apektadong mga residente, ug samtang ginahulat pa usab ang resulta sa chemical sampling.

RadyoMaN Kirby Manzon