30 mil danyos sa sunog sa usa ka classroom sa Gensan

General Santos City–Padayon ang gihimong imbestigasyon sa BFP Gensan kalabutan sa nahitabong pagkasunog sa usa ka classroom alas 2:00 ang takna sa buntag sa Jose Catolico Sr. Elementary School sa Tiongson St. sakop sa Brgy.Lagao ning syudad.

Sumala pa ni SFO1 Filamer Acub ang arson investigator sa maong buhatan nga ilaha pang ginasuta kung unsa gayud ang hinungdan sa sunog ilabi na kay nagagikan ang kalayo sa taas nga bahin sa maong gambalay.

Saysay man usab ni Acub nga niadtong higayona duna matud pay migamit sa pipila ka mga classroom sa naasoyng tulunghaan nga usa ka Grupo sa simbahan alang sa ilahang Youth Camp apan bag-o gibiyaan ang lugar nakita matud pa sa gwardiya nga gihinloan sa mga nasampit ang mga classrooms nga ilang gigamit.


Dugang saysay man usab ni SFO1 Filamer Acub nga basi sa ilahang inisyal nga pagbana-bana moabot sa 30 mil ka pesos ang damyos sa sunog sa usa ka classroom.

Pagpaklaro usab ni acub nga ilaha pang ginahulat ang principal sa maong eskwelahan og ang hintungdan sa migamit sa area nga moadto sa ilahang buhatan aron ilang masayran kung pila gayud ang ideklara nilang damyos og unsang mga gamit ang anaa sa sulod sa classroom. (Reynald Timario)

Facebook Comments