4-sikop , bala, armas ug explosibo narekober sa one time big time search operation sa PNP-GENSAN

90

General Santos City—upat sikop samtang ubay ubayng pusil, bala ug Granada ang narekober sa hiniusang pwersa sa Gensan City Police Office, inabagan sa Joint Task Force ug Criminal Investigation and Detection Group (CIDG)-12 sa managlahing area  ning dakbayan.

 

Alas 4:30 ang takna sa kabuntagon kaganinang  kaadlawon ,  March 9, 2017, dihang dungan nga  gisulod sa tropa sa kapulisan sa pagpanguna ni Police Sr. Supt. Maximo Layugan, Gensan City PNP Director uban ang JTF ug CIDG ang siyam ka panimalay nga target sa ilang search operation kalabutan sa armas, bala ug eksplosibo sa may Barangay Labangal ug Upper Banualan, Tambler.

 

Sikop silang si Tony Galao, 43, residenti sa Zone II, Upper Banualan, Tambler. Nakuha sa iyang posisyon ang (1) ka unit sa Colt MK IV Cal. 45, (3) ka Magazine nga adunay unod nga (18) ka buhing bala; Dong Insik Alis, 43, Security Guard, ilawom sa FEMJEG Security Agency, residenti sa Prk. Aspang, Barangay San Jose, kansa nadakpan sa Guinto Ranch, Prk, Upper Banualan, nakuha sa iyang posisyon ang (1) ka unit sa Colt Cal. 45 ug (2) ka Magazine nga dunay sulod nga (18) ka buhing bala; Oscar Acob, 46, residenti sa Maguindanao, nakuha sa iyang posisyon ang (1) ka unit sa MK2 Fragmentation Grenade ug Abi Onggang Obay, residenti sa Sultan Kudarat ug nasikop sa Mudia Village, barangay Labangal,  kansa nakuhaan ug (1) ka unit sa Colt 1911 Cal. 45 ug (1) ka Magazine nga dunay sulod nga (7) ka buhing bala.

 

Ang  tulo ka area nga gisulod sa kapulisan ang dunay problema sa bangi sa yuta. Tumong sa search operation mao ang pagkumpiska sa mga pusil  nga gihuptan sa ilang mga target kansa gituohang ginagamit sa mga nahisgutan sa pagpanghurab sa mga claimants sa luna nga ilang giilugan.

 

Si Police Sr. Supt. Maximo Layugan nag butyag nga luyo sa ilang gihimong ronda dili pa nila masiguro kung wala na bay mga pusil nga anaa sa maong mga lugar hinungdan nga iyang gibutyag nga ilang imonitor kanunay ang area aron malikayan ang kagubot tungod sa inilugay ug luna.

 

 

Facebook Comments