51-anyos patay matapos nga lampusan.

25

Patay ang isa ka persona matapos nga lampusan pasado alauna sang hapon kahapon nga adlaw, October 20, 2020 sa Purok Yellow bell, Brgy Sta. Cruz, Koronadal City.
Ginkilala sang Koronadal City PNP ang biktima kay Richard Oro, 51-anyos, single kag residente sang Carmela’s Subd., Brgy Sta. Cruz, samtang ang suspek ang ginkilala kay Rico Valdez, 28-anyos, single, laborer kag residente sang Purok Kings, Brgy Gen Paulino Santos, Koronadal City.
Base sa imbestigasyon sang kapolisan ang biktima kag suspek ang magparyentihanay kag may-yara na sang lainay sang buot ukon personal grudge nga nangin resulta sang insidente.
Ang suspek suno pa ang nagpangayo pa sang bulig sa iya nga live-in partner nga si Juliet Calantas, residente sang Purok Bayanihan, Brgy Sta. Cruz, Koronadal City kag gindala ang biktima sa Provincial Hospital para sa medikasyon, apang gindeklarar nga dead on arrival sang attending physician.
Samtang ang suspek ang yara naman sa kustodiya sang Koronadal CPS. Kaso naman nga homicide ang ipasaka batok sa suspek.

Facebook Comments