*General Santos City— Patay ang usa ka 5 anyos nga batang babaye nga gitago lang sa pangalang Angel human kining ma-suffocate sulod sa usa ka pribadong sakyanan sa Brgy. Tambler ning syudad.*
*Sumala kang Dr. Jette Oco, labaw sa city health office nga dihang gihimo ang post mortem examination sa biktima nigawas nga nahutadan kini ug hangin nga maoy hinungdan sa iyahang kamaayon.*
*Dali matud pa kining gidala sa balay tambalanan apan gi-deklara kining dead on arrival.*
*Dugang pamahayag ni Dra. Oco nga dili gilayon makabsan ug kinabuhi ang kinsa mang ma-suffocate gumikan mulungtad pa ug pipila ka minuto ayha mahutdan ug oxygen ang utok sa tawo.*
*Apan sa kaso matud pa sa singko anyos, mas dali kining nahutdan ug hangin gumikan sa edad niini.*
*Busa panawagan niini ngadto sa mga ginikanan nga likayan gyud nga mapasagdan ang mga bata hilabina sa mga lugar nga walay hangin ug kung adunay mga sakyanan siguruon nga dili makasulod ang mga bata nga posiblerng muresulta ug disgrasya.*
