3 gipamusil sa Polomolok-duha patay, usa samdan

24

General Santos City–Nagpadayon pa ang gihimong imbistigasyon sa Polomolok Municipal Police Station kabahin na sa pagpamusil patay sa wala pa mailhing mga suspek sa mga biktimang silang si Jeffrey Apundar, hingkod nga taga Crossing Palkan, Polomolok ug Joel Tamayo, residenti gihapon sa maong lugar ug pagkaangol sa minor de edad nga si Alias Clifford.

Sumala ni Micmic Tamayo, asawa ni Joel nga igo rang nagpaaway ug damang ang iyang bana uban ang iyang mga amigo apan nakurat nalang kini dihang nabalitaan nga gipusil ang iyang bana.


Iyang giklaro nga wala may nasulti kaniya ang iyang bana nga duna kini kalaban ayha nahitabo ang pagpamusil.

Samtang Posibleng nadamay lang ang biktimang si Jeffrey Apundar sa pagpamusil sa iyang kaubanan nga si Joel Tamayo. Kini ang pahayag ni Bonbon Apundar, igsuon sa biktimang si Jeffrey.

Sumala pa nga kanhi nang napriso si Joel Tamayo kaniadto gumikan sa iligal nga droga.

Nasayran nga nag uban ug paaway ug damang iyang igsuon ug si Tamayo ala 1:00 sa hapon sa may Crossing Palkan, Polomolok ug pauli na unta sa ilang panimalay dihang sila gipamusil sa tulo ka mga suspek nga sakay sa pick-up nga kolor itom.

Paspas nga misibat ang mga suspek human sa pagpamusil samtang ang biktimang samdan gidala dayon sa pinakaduol nga ospital sa lungsod sa Polomolok.

Facebook Comments

From Advertisers