6 ka indibidwal arestado sa buy-bust sa Maragusan

115
Davao City – Priso na ang unom ka mga indibidwal human naaresto sa drug buy-bust operation sa Purok Mansanas B, Barangay Poblacion, Maragusan, Davao de Oro niadtong Martes (September 20, 2022).

Sa report sa Police Regional Office (PRO-XI), ang mga dinakpan mao sila Jumar Pontod Benitez alias “Jumar” (Top 7 Regional Priority, High Valued-Individual) ug lima (5) ka Street Level Individuals nga sila Al Lamparas Mengullo, a.k.a. Tasyo Pangag, Alvin Recabo Maravilla, Ferrylou Veloso Manigo, Avegylle Cabellan Polestico ug Mitch Supetran Rivera.

Nakuha sa posisyon sa mga dinakpan ang siyam ka pakete sa gituohang shabu nga motimbang og 6.42 gramos ug adunay estimated street market value nga P93,300. Gawas usab sa mga drug paraphernalia, nakuha usab sa ilang posisyon ang 1 unit sa caliber .22 magnum revolver North American Arms nga adunay mga bala.

Sa pagkakaron, giandam na ang tukmang kaso nga ipasaka alang sa mga suspetsado.

RadyoMaN Kirby Manzon

Facebook Comments