6 kumpirmadong patay, retrieval operation nagpadayon sa ni-collapse nga tulay sa Marilog

‘Buwis buhay’ ang nagpadayon nga retrieval operation sa Urban Search and Rescue Team (USAR) sa duha ka mga cadavers sa construction workers sa nahugmak nga tulay sa may Sitio Kibakak, Brgy. Malamba, Marilog District, Davao City.

Gikumpirma ni Davao City Disaster Risk Reduction and Management Office (CDRRMO) head sa interbyu sa DXDC RMN nga unom ang confirmed death toll sa insidente.

Segun niini, upat sa mga namatay ang narekober na gikan sa ground zero.

Samtang, unom ang survivors diin upat kanila daling nakalukso sa safe area, ang duha nga nahulog sa sapa na-rescue kini kagahapong adlawa ug kasamtangang ginatambalan pa sa Southern Philippines Medical Center (SPMC).

Sa imbestigasyon, anaa sa 60 feet ang gilawmon sa nahagbungan sa mga biktima samtang gatrabaho kini sa tulay.

Gilantaw nga tungod sa kabug-at sa boom truck nga adunay kargang construction materials ang hinungdan sa pagkahugno sa tulay.

Ang mga biktima trabahante kini ilawom sa Bojus Sun Builders & Supply Corporation ug OG Santos Construction segun sa CDRRMO.

RadyoMaN Aimee Guinita